වෙලුම 1 2 3

බුදුවරු උපන් රට ලෝකෙන් උතුම් රටයි වෙලුම 1 2 3

Buduwaru upan rata loken uthum ratai  Volume 1 2 3

The Most Venerable country where buddhas werbone. 

 වෙලූම 1       Volume 1

                                         අන්තර්ගතය    content

1)    සිදුහත් උපත පිළිබඳව ජෝතිෂ්‍ය   පරීක්‍ෂණයට ඇරයුමක්      

ලංකාවේ මූලාශ‍්‍ර 5 කින් ලබාගත් තොරතුරු උපයෝගී කරගෙන සිදුහත් උපත පිළිබඳව ජෝතිෂ්‍ය   පරීක්‍ෂණ තුනක් සඳහා දේහීය හා 
විදේශීය ජෝතීර්වේදී වියතුන් වෙත කෙරෙන ඇරයුමකි         
                                                                        මෙතනින් යන්න

1 )And invitation to an Astrological research on buddha’s birth

And invitation to an Astrological research on buddha’s birth supported by 5 sources founding Sri Lanka.                                                                                                                   Click Here

2)     එදා සිව් හෙළය 

                එදා සිව්හෙළය විස්තර කරන ලිපියකි මෙතනින් යන්න

Sive Helaya  on those days

3 )        අපේ ජනකවි සාහිතයයි -හෙළ බොදු ඉතිහාසයයි

                අපේ ජනකවි වලින් හෙලිවන හෙළ බොදු සාහිත්‍යය                                                                                            මෙතනින් යන්න

Sri Lankan History which opens through our poke song

ක‍්‍රි ව 2014 ක් වූ කලියුග වර්ෂ 5116 ක් වූ බු ව  2557 ක් වූ වෙසක් පුර පසලොස්වක් පොහෝ දිනය වන විට සිදුහත් කුමාරෝත්පත්තිය සිදුවී හරියටම වසර 2737 ක් ගතවීම නිමිත්තෙන් ද ඒ වග සමස්ථ බොදු ජනතාව වෙත සැලකිරීම නිමිත්තෙන් ද http://budhuwaruupanrata.blogspot.com නම් වූ මෙම වෙබ් අඩවිය අන්තර්ජාලයට මුදාහල වගයි

This web site has been relesed to internet to inform all buddhist through  out the world that on vesak full moon day 2014 a.d. (5116 Kaliyuga Era, 2557 buddha year) 2637^th years allready has been pass after the birth of Prince Siduhath.

http://budhuwaruupanrata.blogspot.com/

අපේ ජන කවියයි - හෙළ බොදු ඉතිහාසයයි

හෙළ ගැමියා සිය සතුට සොම්නස පාළුව සාංකාව මග හරවා ගැනීමට අද මෙන් විනෝදය ලබාදෙන මාර්ග පසුපස හඹාගියේ නැත. අද නම් රූපවාහිනී ගුවන් විදුලි සමාජශාලා සහ ඉනුත් ඔබ්බට ගිය නොයෙකුත් අසැබි විනෝදය සපයන ස්ථාන සුලභය. අපේ පැරණි ගැමියා ඒ සඳහා තෝරා ගත්තේ තම හැගීම කවිය ගීතය හෝ කතාවක් මගින් පිට කිරීමයි. මෙසේ පබදින ලද කවි ගීත කතාන්දර විශාල ලෙස අපේ සාහිත්‍යය පෝෂණය කර ඇත. මේවා නොයෙකුත් අවස්ථා වලදී ඔවුන් ගායනා කර තම පාළුව කාන්සිය මග හරවා ගත්හ. ගැමි සුවඳ පැතිරෙන මේ කවි ගීත බොහෝ විට අපේ සංස්කෘතිය හා බැඳේ. අපේ සංස්කෘතිය බෞද්ධ දර්ශනය සමග නොසෙල්වෙන පරිදි ඈත අතීතයේ පටන් ම බද්ධ වී ඇත.  ඒ නිසා බොහෝ ජන සාහිත්‍යය කෘති වලින් බෞද්ධ ආගමික මුහුණුවරක් දැක ගත හැක.  එපමණක්ද නොව හෙළ ඉතිහාසයේ සැඟවුණ තැන් මතුකර හුවා දක්වන ජනගීත හා කවි අපට දැකගත හැක. මේ ජන ගීත වලින් අපේ ගැමියා ගේ හදගැස්මේ රාවය අපට පිළිබිඹුවේ. පතල් කවි නෙළුම කවි කරත්ත කවි විරහ ගීත පාරු කවි ආදියෙන් ඔවුන් තමන් ගතකළ ජීවන ක‍්‍රමයේ කටුක බව විනෝදයෙන් විඳගත් බව අපට කියා පායි.     

විරහ ගීත ගැන කියවන විට නිතැතින්ම ඉදිරියට එන්නේ යසෝදරාවත සහ වෙස්සන්තර ජාතකය වේ. නිශ්චිත රචකයෙකු ගැන සඳහන් නොවන යසෝදරා වත සහ වෙස්සන්තර ජාතකය විරහව ගැන පරිමයෙන් ම ශෝකාත්මක පණිවුඩයක් ගෙන එයි. එනිසාම මරණයක දී එලිවෙනතුරා මෙම කවි ගීතගායනා කිරීමට පැරණි ගැමියෝ වගබලා ගත්හ. මෘතදේහය තනි නොකර මේ කවි ගීත ශෝකී ්වරූපයෙන් ගායනා කිරීම එකළ සිරිතක්ව පැවතුනි. අද දවසේ මෙන් කාඞ් සෙල්ලම් කිරීම කැරම් ගැසීම කැට ගැසීම හෝ සූදුව එකළ අවමගුලක දී දක්නට නොලැබුණි.

යශෝදරා දේවියගේ විරහ වේදනාව එදා හෙළ ගැමියා පෙන්නුම් කළේ මෙසේය.

නිම්නැති සංසාර සාගරය පීනලා

නිම් නැති වස්තු ඉස් මස් ලේ දන් දීලා

නිම්නැති වීරියක් කෙරුවාය ඉපදීලා

නිම්නැති බුදු බවට ජීවත දන්දීලා

කාරණාව බුදුවනවා ලකුණු දැනේ

නෑර කැටුව ආවා මම සරණ ගෙනේ

භාවනාව තොර නොකරමි සිතින් අනේ

මාළිගාව අද අඳුරුයි සුවාමිනේ

යසෝදරා දේවිය කිසි විටෙක සිදුහත් කුමරු ඇය හැරදා ගියද ඔහුට මෛත‍්‍රී කරනවා විනා අහිතක් නාසිතූ බව මේ ජන කවි වලින් පෙනේ. මේ ජන කවි මෙසේ ඈත අතීතයේ සිට හෙළ බිමේ පැවත එන්නේ කුමන හේතුවක් නිසාද? මෙතරම් පැහැදිලි ලෙස මේ කරුණු ජන කවියා විස්තර කරන්නේ කෙසේද? ඒ වෙනත් හේතුවක් නිසා නොව මේ සිදුවීම් මේ හෙළබිමේ සිදුවූ නිසා නොවේද?

වෙස්සන්තර ජාතකය ද අයත් වන්නේ මෙවැනි ජනකවි පරාසයටමය. එය රචනා කළ නිශ්චිත පුද්ගලයෙකු නොමැති නිසා කටින් කට පැවති ගීත පසු කාලයක දී එක් පුද්ගලයෙකු විසින් ලියන ලද බව සිතිය හැක. එහි වෙස්සන්තර රජතුමා සිය වස්තුව දන් දී තම දේවිය හා දරු දෙදෙනා සමඟ වංකගිරියට තපස් රකින්නට නික්ම ගිය බව අපේ ජනකවි වලින් දැක්වේ. ඒ වෙසතුරු සිරිතේ සමහරක් කවි ගීත අපේ මංගල අවස්ථා වලදී ගායනා කිරීම අදත් සිදු කරනු ලැබේ.

වංග ගිරියේ තපස් රකින්නට නික්ම ගියෙ අප බෝසතුන්

නැංග රථයත්  අසුත් දෙදෙනත් අතර මඟදී පිනට දුන්

රන්ද රිදියෙන් මුතු මැණික් සහ සියලූ වස්තුව පිනට දුන්

සංඝ රත්නේ අනුහසින් වෙයි මොවුන් හට ජය මංගලම්

විවාහ මංගල්‍යයකදී පෝරුවේ සිරිත් ඉටු කරන විට ගායනා කරන කවියකි ඉහත දැක්වූයේ.  මෙහි වංග ගිරිය යන්න වංගු සහිත කඳුකර මාර්ගයක් බව වෙස්සන්තර කාව්‍යයෙන් දැක්වේ. මෙවැනි මාර්ගයක් මේ හෙළබිමේ පිහිටා ඇත්තේ මහනුවර සිට මහියංගනය දක්වා යන මාර්ගයෙහිය.  රථයත් අසුත් දෙදෙනාත් දන් දුන් බව මේ කවියෙන් කියවේ. එසේ දන් දුන් තැන හුන් ූ අස් ූ ගිරිය යනුවෙන් භාවිත කර ඇතග එය දැනට හුන්නස්ගිරිය යනුවෙන් භාවිත වන ස්ථානය විය හැක. එම ග‍්‍රාම නාම අද දක්වාම භාවිත වීම අපේ ඉතිහාසය ගැන නැවත වරක් සිතා බැලිය යුතු බවට ඉඟියක් නොවේද?

පෝරුවේ සිරිත් වලදී ගායනා කරන තවත් කවියකින් තව දුරටත් මේ ඓතිහාසික කරුණු සනාථ වේ.

සුද්දසුන් නිරිªන්ට දාවූ එසිද්ධත් කුමරුන් උතුම්

මැද්ද මණ්ඩල කිඹුල්වත්පුර නුවර ඉපදුන අනුහසින්

යුද්ධ කරලා පැරදි වසවතු ගියේ දස පෙරුමන් බෙලෙන්

බුද්ධ රත්නේ අනුහසින් වෙයි මොවුන් හට ජය මංගලම්

මෙම ජන කවියෙන් දැක්වෙන මැද්ද මණ්ඩල කිඹුල්වත්පුර ප‍්‍රදේශය අද මැද මහනුවර අවට ප‍්‍රදේශයයි. එහි කිඹුල්වත්පුරය ටොලමි ගේ ලංකා සිතියමේ කිඹුල්වත යනුවෙන් පැහැදිළිව දක්වා ඇත.

මේ කරුණු වලින් පැහැදිලි වන්නේ අපේ ජන කවියා එකල බුද දහම බුදරජාණන් වහන්සේ සහ එතුමන්ට සම්බන්ධ චරිත අලලා තම කවි ගීත රචනා කළේ මේ කරුණු ඔහුට ඉතාම සමීප මේ හෙළ බිමේ දීම සිදුවූ සිද්ධි දාමයන් නිසා බවය.

බුදු දහමට නැඹුරු වූ ගැමියා විහාරය පන්සල ඇසුරින් ලද දැනුම සරල කවි ගී වලට යොදා ගත්තේ මේ දහම මේ හෙළබිමේ මුල සිටම තිබූ නිසාය. මෙම කවිය කුඩා දරුවන් වෙනුවෙන් කළද එහි ගැඹුරු දහමක් අන්තර්ගත වේ

අම්බලමේ පිනා පිනා

වළං කදක් ගෙනා ගෙනා

ඒක බිදපි ගොනා ගොනා

ඒකට මට හිනා හිනා

මෙහි ගැඹුරු අදහස නම් සසර සැරි සරමින් අප විසින් ගෙන යන අස්ථිර වූ බිඳෙන සුළු ශරීරය නමැති වළඳ ගෞතමයන් වහන්සේ බිඳ දැමූ බවත් ඒ ගැන කවියා සතුටු වන බවත්ය. මෙවන් අර්ථයක් ඇති කවියක් ජන සාහිත්‍යයට එක්වීමට නම් මේ කරුණු ගැමියා හා බද්ධ වී තිබීම අනිවාර්ය විය යුතුය.  එසේ වීමට මේ දහම මෙයට වසර 2214 කට පෙර හෙළ බිමට මිහිඳු හිමියන්ගෙන් ලැබුණු දෙයක් නොව එයට වඩා ඉතාමත් පැරණි දායාදයක් විය යුතුය. ගෞතම බුදරජාණන් වහන්සේට පෙර වැඩසිටි කකුසඳ කෝණාගම කාශ්‍යප යන බුදුවරයන් වහන්සේලා වැඩසිටි මේ පුන්‍ය භූමියේ උන්වහන්සේලාගෙන් ලැබූ ධර්ම දායාදයේ ආභාෂය හෙළ ගැමියා සතුවූ බව මේ කරුණු වලින් මොනවට පැහැදිලි වේ. ඒ බුදුවරයින් වහන්සේලා වැඩසිටි බවට අප පුන්‍ය භුමියේදීම හමුවී ඇති සෙල්ලිපි සහ ජීවමාන සාධක වලින් මනාව පැහැදිලි වේ. උදාහරණයක් ලෙස දන් ඕවිට මඩබාවිට ගල්ලෙන් රජමහා විහාරය පිහිටි භුමියේ සැතපුම් 3  ක් පමණ දිග ගුවන් රථ නැවතුම් තොටුපල පෙන්විය හැක. කකුසඳ බුදුරදුන් ශ‍්‍රාවකයින් 40 000 සමඟ ගුවන් රථ වලින් වැඩම කළ බව වංශ කතාවල දැක්වේ. රූපනන්දා තෙරණිය කකුසඳ බුදුන්වහන්සේ පිට දුන් මහරි බෝධි ශාඛාවක් රැුගෙන ගුවන් රථයෙන් පැමිණ එම ස්ථානයේ රෝපණය කළ බවද එහි දැක්වේ. එහි ඇති සෙල්ලිපියක ගුවන් රථයක රේඛා සලකුණක් ද දක්වා ඇත. අද දවසේ එම සෙල්ලිපිය ඇති ස්ථානය මඩබාවිට රජමහා විහාරය යනුවෙන් හැඳින්වේ. වරකාපොල දොරවක ද අදට වසර 7500 කට වඩා පැරණි ගුවන් තොටුපලක් ඇත. මේ සියලූම කරුණු අප ප්‍රෞඪ ඉතිහාසය ගැන අපට මතක්කර නොදෙන්නේද?

ඔන්චිලි වාරම් වල එන ජන කවියකින් අපේ තවත් ඓතිහාසික උරුමයක් පෙන්වයි.

උඩම උඩම උඩ මක්කම වැල්ලේ

වසින වසින වැසි ඒගල පල්ලේ

දුවන දුවන නැව් සමුදුර පල්ලේ

අපිත් පදිමු දැන් රන් ඔන්චිල්ලේ

මෙයින් අපට මක්කම නම් නගරය මේ හෙළබිමේ හෙවත් ශ‍්‍රී ලංකාවේ පිහිටි බව සනාථ කරයි.

එවැනිම තවත් තලමල වර්ණනා කරන කවියකි මේ.

ලස්සන සෝබන සමගම බබලන

මක්කම සිරිපා සමනල වැඳගෙන

ලස්සන තලමල කිනිති පෙලින් පෙල

විස්තර තලමල පච්ච වෙලේ මැද

මේ තවත් ජන කවියකි.

සතර දෙනයි අපි ආවේ ඔක්කොම

සතර පිටට කැරකෙයි සොඳ ගෙත්තම

සතර වටට අල්ලන මාලක්කම

සතර බුදුන් වැඩි වැල්ලයි මක්කම

සත්පුර ඔබ දෙවියන් දැක මුණිදුන් අණ සිරස දරයි

මක්කම සිරිපතුල තබා දෙව්රම් වෙහෙරට වැඩියයි

මේ සියලූ ජන ගීත වලින් පෙන්නුම් කරන මක්කම නම් විහාරයක් ගැන විහාර අස්න නම් වූ විහාර නාම ලේඛනයේ සහ පිරුවානා පොත් වහන්සේගේ ද සඳහන් වේ. මේ නගරය පිහිටා ඇත්තේ හලාවත ඇත්නාල ප‍්‍රදේශයේය. මක්කම වැල්ලේ සිරිපතුල තබා දෙව්රම් වෙහෙරට බුදුරජාණන් වහන්සේ වැඩම කළ බව අවසන් කවියෙන් දැක්වේ. දැනට මක්කම යැයි සලකන සෞදි අරාබියේ ඇති ස්ථානයේ සිරිපතුල් ලාංඡුනය තබා ඉන්දියාවේ දෙව්රම් වෙහෙරට වැඩිය බවක් හැගුනත් එය සිදුවිය නොහැක්කකි. හලාවත අසල පිහිටි මක්කම දී සිරිපතුල පිහිටුවා රිටිගල දෙව්රම් වෙහෙරට වැඩි බව මෙයින් පිළිබිඹු වේ.

තාරකා ශාස්ත‍්‍රය හෙවත් නැකත් ශාස්ත‍්‍රය පිළිබඳව හෙළ ගැමියා නිබඳවම අවධානය යොමු කළේය. කේන්දරයට මේ අතරින් සුවිශේෂී තැනක් හිමිවෙයි. අප ගෞතම බුදුරජාණන් වහන්සේ ගේ කේන්දරය ගැමි ජන කවියට අනුව මෙසේය.  

ගුරුළු හාමි ඇද වැටුනයි කකුළු වලේ

හඳහාමී බඩු කිරුවයි වෙළඳ හලේ

රතුහාමී හත කියමින් මෝර වලේ

කළුහාමී නොන්ඩි ඇන ඇන වැටුනි වලේ

මනමාලයා මාළු ගොඩකට යට වෙච්චි

සොමිපුත් එදා එළු ගාලට කොටු වෙච්චී

වන මැද ගොස් දෙව් බඹු මුණ ගැස්සෙච්චී

එවැනි දාක ඉපදුනි අපෙ බුදු අප්පච්චී

1 කවිය - ගුරු කටකයේ ද සඳු තුලා රාශියේ ද කුජ මකරයේ ද සෙනසුරු කුම්භයේ ද

2 කවිය - සිකුරු මීනයේ ද බුධ මේෂයේ ද පිහිටි අවස්ථාවේ වන උයනක දෙව් බඹුන්ගේ සාදු නාද මැද බෝසත් උපත සිදුවිය.

‍ගෞතම බුදුරජාණන් වහන්සේගේ කේන්දරය ජන කවියට නැඟීමට තරම් සමීපත්වයක් අප ගැමියාට තිබුණි. උන්වහන්සේ ඉපදුනා යැයි සලකන ඉන්දියාවේ කේන්දරය තබා උපන් වර්ෂය වත් ගැන කිසිම සඳහනක් නැත. මේ කරුණු සලකන විට අපේ ගැමියාට බුදු දහම ඉතාමත් සමීප දහමක් විය. එපමණක් නොව මේ සමීපත්වය ගෞතම බුදුරජාණන් වහන්සේගේ සමයේ පමණක් නොව ඊට පෙර සිටි බුදුවරයන් වහන්සේලා ගේ පටන් පැවත එන්නකි. එබැවින් මහා වංශය කතුවරයාට අනුව අපේ ඉතිහාසය පටන් ගන්නේ විජය ගෙනි. එනමුත් ඊට වසර දස දහස් ගණනකට පෙර සිට රජවරුන්ගේ ශ‍්‍රී විභූතිය දස්කම් විස්කම් වලින් හෙළ භූමිතලය පරිපූර්ණ ව ඇත.  මේ රජවරුන් ගැන ද අපේ නියම ඉතිහාසය ගැන ද බුදු දහමේ සම්බන්ධය  ගැන ද ජනකවි වලින් මනාව පැහැදිලි වේ. අපේ ගැමි ජනතාව එදා කළ මෙහෙය ගැන ඇගයීමක් කර එයින් අපේ ඉතිහාසයට ලැබෙන පිටිවහල කාලයේ වැලිතලාවෙන් වැසී යාමට ඉඩ නොදී ඒ ගැන සමීක්‍ෂණයක් කිරීමට දැන් කාලය එළඹ ඇත.                    

මේ හෙළබිමේ උපන් සැබෑ හෙළයෝ මෙම පුණ්‍ය භූමියේ අගය වටහා ගත් බල ලෝභයෙන් තොර බුදු දහමේ ගුණ සුවඳ උකහාගත් උසස් අධ්‍යාත්මික ගුණවගාවකින් යුත් පුද්ගලයෝ වූහ. මුළු ලොවම නතු කරගත් රාවණ පරපුරට අයත් රජවරු විජයගේ පැමිණීමට පෙර මෙරට රජ කළහ. එකල තිබූ විස්මිත තාක්‍ෂණය පෘථිවියට පමණක් සීමා නොවූ බව පෙනේ. ඒ සක්විති රාවණ පරපුරේ තාක්‍ෂණ ශිල්පය වෙනත් ග‍්‍රහලෝක කරාද පැතිරවූ බව මූලාශ‍්‍ර අධ්‍යයනයෙන් හෙලිවේ.                  

ජන සාහිත්‍යය ඔස්සේ සලකා බලන විට හෙලිවන තොරතුරු මත හෙළ බිමේ සැබෑ ඉතිහාසය රජ පරපුර විජයගෙන් ආරම්භ නොවන බව පෙනී යයි. විජය මෙරටට පැමිණි ආක‍්‍රමණිකයෙකු පමණක් බව අප වටහාගත යුතුය. විදේශයකින් පැමිණි ආක‍්‍රමණිකයෙකුට අප ඉතිහාසය බාරදී සිටීම සැබවින්ම විහිලූවකි  එමනිසා අපේ ප්‍රෞඪ ඉතිහාසයේ සැබෑ මුහුණුවර කාලයේ කඩතුරාවෙන් වැසී යා නොදී නැවත මතුකර ගැනීම අප යුතුකමකි.

  

(විශ‍්‍රාමලත් ආචාරිනී අයිරාංගනී යාපා ජයසිංහ)

එදා සිව් හෙළය

සිව් හෙළය

 

හෙළ අටුවා විනාශ කිරීමෙන් පසුව ඉතිහාසය පිළිබඳ තොරතුරු දැන ගැනීමට ඉතිරි වූයේ පාලි මහා වංශය හා පාලි දීපවංශය පමණකි.  දීපවංශයේ ඉතිහාස තොරතුරු අඩංගු වූ අතර බුද්ධ ඉතිහාසය පිළිබඳ මහාවංශයේ ද තොරතුරු අඩංගු විය.  මහාවංශයේ පැරණි මුද්‍රණයක සඳහන් වූයේ ඉතිහාස තොරතුරු මෙන්ම බුද්ධාධී මහතුන්ගේ තොරතුරු අඩු විස්තර වැඩිකොට වැඩි විස්තර අඩුකොට දික්කඳ මහ සෙනෙවියාගේ   පිරිවෙනේ සිට මහානාම නම් හිමි නමක් ලියූ බවය. බුදු දහමට අනුව කටයුතු කරන සාමාන්‍ය අය පමණක් නොව රජවරුන් වුවද හඳුන්වන්නේ උපාසක උපාසිකා වශයෙනි. බෞද්ධයින් උපාසක විනා බුද්ධාධී මහතුන් නොවන බව බෞද්ධයෝ දනිති. වංශකතාකරු තමා බෞද්ධ හිමි නමක් වශයෙන් හැඳින්වුව ද ඔහු මහානාම රජුගේ දෙමල බිසවගේ මාමා කෙනෙකු බවට තොරතුරු අනාවරණය වී ඇත. වංශකතාකරු තමා ධාතුසේන රජුගේ මාමා කෙනෙකු වශයෙන් හැඳින්වීමට උත්සාහ ගත් අවස්ථාවක් ද හමුවී ඇත. ධාතුසේන රජතුමා දීපවංශය ලිවීම සඳහා දහසින් බැඳි පියලි ලබා දුන් බවට  දීපවංශයෙන් තොරතුරු හමු වී ඇත. වංශකතාකරු පළමුවෙන් දීපවංශය ලියමින් සිටියදී එය නවතා තබා මහාවංශය ලිවීමට පටන් ගත් බව පෙනේ. දීපවංශයේ 21 පරිච්ඡෙදයෙහි 11 වැනි ගාථාවෙන් රුවන්වැලිසෑය ධාතු ගර්භය පිළිබඳ විස්තර ලිවීම  නවතා දමා ගාථාවල ඌනතාවයක් ඇතැයි සඳහන් කර මහාවංශය ලිවීම ආරම්භ කළා විය හැක. රුවන්වැලි චෛත්‍යය නිර්මාණය පිළිබඳ විස්තර සඳහා මහාවංශය ට යොමුවන ලෙස දීපවංශයේ සඳහන් කර ඇත. ක‍්‍රි වග 450 වන විට ධාතුසේන කුමාරයා රජවීමෙන් පසු මේ චීවරධාරී ද්‍රවඩ භික්‍ෂූන් රටින් පැනගිය බවට තොරතුරු හෙලිවී ඇත. පසුකාලය වන වට රාජාවලිය, පූජාවලිය වැනි පොත් බිහි විය. කකුසඳ පටන් ගෞතම බුදුන් වහන්සේ දක්වා කාලවකවානු තුළ මේ හෙළදිව හැඳින්වූයේ පිළිවෙලින් ඔජදීපය, වරදීපය, මණ්ඩදීපය, තම්බපණ්නී දීපය යනුවෙනි. මෛත‍්‍රී බුදුන් වහන්සේගේ කාලයේ දී මේ හෙළ දිවයින හඳුන්වන්නේ  “කේතුමතී රාජධානිය” යනුවෙනි. දැන් ශ‍්‍රී ලංකාව වීමට පෙර සුදු පාලකයින් මෙය හැඳින්වූයේ  “සිලාන්”  “සිලෝන්” යනුවෙනි. ඔවුන් එසේ හැඳින්වූයේ ශ‍්‍රී ලංකා යන්න උච්චාරණය කිරීමට අපහසු නිසා නොව අන් සියලූ නම් අමතක වීමට බැහැර කිරීමට පහසු වීම නිසාය.

ලංකා යන නම හැරෙන්නට අන් සියලූ නම් වලින් අර්ථවත් වූයේ වටිනා. උතුම් යන අර්ථයයි. මුල්ම යුගයේ සීගිරිය හැඳින්වූයේ  “අලංකාරපුරය” යනුවෙනි. එසේම අනුරාධපුරය එවකට හැඳින්වූයේ ලංකාපුර යනුවෙනි. ශ‍්‍රී මහා බෝධීන් වහන්සේ වැඩමවීම පිළිබඳව මහා වංශයේ සඳහන් වන්නේ  “ජම්බුදීපා ඉදගාතා ලංකාපුර” යනුවෙනි. මින් අදහස් කරන්නේ ඉන්දියාවේ සිට ලංකාවට පැමිණි බවක් නොවන බව පමණක් මෙහි සඳහන් කරමි.  “ජම්බුදීපය” යනුවෙන් හඳුන්වන්නේ රටක් නොව යම් ප‍්‍රදේශයක් බව පෙනේ.

ජවහල්ලාල් නේරු තුමා මෙම හෙළබිම  “ඉන්දියන් සාගරයේ මුතු ඇටය” යනුවෙන් හැඳින්වූයේ හේතු සහිතව බව අපි දනිමු. එසේම අයි. ඇම්. ආර්. ඒ. ඊරියගොල්ල ශ‍්‍රීමතානන් මේ හෙළබිම  “ලෝකෙන් උතුම් රට ලංකාවයි, ලංකාවයි සිරි ලංකාවයි” යන ගීයෙන් පුදනු ලැබූ හේතුව මොහොතකට සිතා බැලීම මෙම සිව්හෙළය යන ලිපියේ එක් පරමාර්ථයකි. වංශකතාකරු සඳහන් කරන ආකාරයට විජය සමඟ මෙහි පැමිණි පිරිස කදිරමලේ තඹපාට වැල්ලේ වැතිර සිටීමෙන් ඔවුන්ගේ අත් සහ ශරීර තඹපාට වීම නිසා මෙය තම්බපණ්නියක් නොවූ බව මෙහි සඳහන් කළ යුතුය.

දකුණු ඉන්දියාවේ තමල්නාඩුව පහළම කොටසේ පිහිටි තම්බපන්නී ගංගාව අසල ලංකා නම් පහත් දියලූම් ප‍්‍රදේශයේ නාමය මේ බිමට ආදේශ කර තම්බපන්නියක් කළේ වංශකතාකරු ය. තම්බපණ්නී හෝ තාම්බ‍්‍රපන්නී යන නම් මහාවංශයට පමණක් සීමාවූ නමකි. කුවේණිගේ (මහා පාලි රැජින) පාලන කාලයේ හෝ ඊට පෙර හෝ කවදා හෝ තම්බපණ්නී නමින් ලක්මව හැඳින්වූ බවට කිසිඳු සාක්‍ෂියක් නොමැත. ඉහත සඳහන් කළ ඔජදීපය, වරදීපය, මණ්ඩදීපය, තම්බපණ්නිය, ලංකාපුර,  සෙරන්ඩිබ් ඉන්දියන් සාගරයේ මුතු ඇටය, ලෝකෙන් උතුම් රට යන නම් වලින් හැඳින්වූ මෙම හෙළදිව ඒ සියලූ නම් වලින් කියැවෙන අර්ථයන් සනාථ කරවන සහතිකයක් ඇමරිකාවේ නාසා ආයතනයෙන් ලබා දී ඇති බව ඔබ ඇතැම් විට නොදන්නවා විය හැක. ක‍්‍රි වග 2002 වසරේදී නාසා ආයතනය මගින් පෘථිවියේ ආකර්ශණය හා පැවැත්ම පිළිබඳ මෙතෙක් හෙලිනොවූ වැදගත් කරුණු පරීක්‍ෂා කිරීම සඳහා උඩු ගුවනට යවන ලද චන්ද්‍රිකාවක් උපයෝගී කරගෙන පරීක්‍ෂණයක යෙදී ඇත. එම තොරතුරු ඵසිිසදබ ඨර්ජැ 2002 වෙබ් අඩවියෙහි නැරඹිය හැක. එහි දැක්වෙන ආකාරයට පෘථිවිය මත ඇති ජලය සම්පූර්ණයෙන්ම ඉවත් කළ විට දිස්වන ආකාරය අනුව පෘථිවි වක‍්‍ර පෘෂ්ඨයේ හැඩය ගෝලාකාර නොවූ අක‍්‍රමවත් වූ ගෝලකයකි. භ‍්‍රමණය වන නිසාම නිරක්‍ෂිය විස්කම්භයට වඩා ද්‍රව අතර විස්කම්භය වැඩිය. එනම් ගෝලකයක හැඩයකි. රොකිස් ,ඇන්ඞීස්, හිමාලයා, ඇල්ප්ස් ආදී කඳුවැටි හා විශාල උස් සමභූමි ප‍්‍රදේශවල මුදුනේ සිට පෘථිවි කේන්ද්‍රයට ඇති දුර ඉතා වැඩිවූ විට එම ස්ථාන වලට ගුරුත්වාකර්ෂණය ද වැඩිය. පෘථිවිය මත පෘථිවි කේන්ද්‍රය දෙසට නෙරාගිය එකම බිම් පෙදෙසක් ද ඇති අතර එම බිම් පෙදෙසට ගුරුත්වාකර්ෂණය ද ඉතා අඩුය. ගුරුත්වාකර්ෂණය අඩුවන විට වෙනත් ග‍්‍රහවස්තු වලින් නිකුත් කරන ආකර්ෂණය (එම වස්තු වල සිට) වැඩි වන අතර ගුරුත්වාකර්ෂණය වැඩිවන විට වෙනත් ග‍්‍රහවස්තු වලින් නිකුත් කරන ආකර්ෂණය ද ඉතා අඩුවේ.  ග‍්‍රහ වස්තු වලින් නිකුත් කරන ආකර්ෂණ ශක්තීන් හා හිරු කිරණ විශ්ව ශක්තිය වශයෙන් හැඳින්වේ. අජටාකාශ ගමන් වලදී  ඕසෝන් ස්ථරයෙන් මිදී අභ්‍යවකාශයට ප‍්‍රවිශ්ඨවීමට හා පිටවීමට ශ‍්‍රී ලංකාව ඉහළින් ඇති අභ්‍යවකාශය තෝරා ගන්නා බව බොහෝ දෙනෙක් නොදන්නවා විය හැක. පෘථිවියේ නාභිය වශයෙන් සැලකෙන පෘථිවි කේන්ද්‍රයේ සිට පෘථිවි වක‍්‍ර පෘෂ්ඨයේ මතුපිටට අඩුම දුරක් ඇති භූමි ප‍්‍රදේශය නාභිය වශයෙන් සැලකේ. ශ‍්‍රී ලංකාව පිහිටා තිබෙන්නේ එම පෘථිවි නාභියේ බව මෙම වෙබ් අඩවියෙන් ඔබට නැරඹිය හැක.

ගුරුත්ව ආකර්ෂණය වැඩියෙන් බලපාන භූමි ප‍්‍රදේශ රතු දුඹුරු පැහැයෙන් ද ගුරුත්ව ආකර්ෂණය අඩුම විශ්ව ශක්තිය වැඩියෙන්ම එල්ලවන බිම් ප‍්‍රදේශය තුළ මේ හෙළබිම පිහිටා ඇති අතර එය තද දම් හා නිල් පැහැයෙන්ද දක්වා ඇත. ශ‍්‍රී ලංකාව මධ්‍ය කරගෙන විශ්ව ශක්තිය වැඩියෙන්ම එල්ල වන මෙම බිම් පෙදෙසේ පිහිටීම වෙබ් අඩවියක් ඉතා පැහැදිලිව දක්වා ඇත. මෙම හෙළබිමේ ඇති සුවිශේෂතාවය වරින් වර ඉස්මතු කරන සාධක හා සනාථ කිරීම් වරින් වර මතු වූ බව පෙනේ. මමත් ඔබත් ජීවත්වන මෙම යුගයේ දී මෙය සිදුවෙමින් පවතින බවට කෙටි සාධකයක් මෙසේ දක්වමි. පණ්ඩිත කිරිඇල්ලේ ඤාණවිමල නා හිමිගේ පූජාවලිය 108 පිටුවේ දක්වන්නේ තාම්බ‍්‍රපන්නී නුවර කුඹුල්වතය ඇතුලූ මේ පන්තිස් නුවර මධ්‍ය මණ්ඩලයට ඇතුලත්මය. මෙම මහනුවරවල්, සිටුවරුන්, දෙවියන්, අසූමහ සව්වන්, පසේ බුදුන් හා ලොව්තුරා බුදුවරුන් වන උත්තමයන්ගේ උප්පත්ති ස්ථානයකි, එසේම මෙයින් පිටත් බෙංගාලය, වගුරටය, සින්දුය, නේපාලය, චීනය, මහාචීනය, කාශ්මීරය, වඩිගය යන මෙකී (43 නුවර) දේශවල බුද්ධාධීහු නොඋපදනා සේක. එසේ හෙයින් බුදුන් උපදනාවූ මේ මණ්ඩලය නම් වූ අනන්තාපර්යන්ත සක්වලටද සක්වල නොකියන සෙසු දිවයින් වලටද දෙව්ලොවට ද ඹබ ලොවට ද වඩා මෙම මධ්‍ය මණ්ඩලයම උතුම්ය. එසේ හෙයින් මගේ ශ‍්‍රී මහා බෝධි සත්වයෝ උතුම් වූ මේ මණ්ඩලයේ දීම උපදිම දුටු සේක. (පූජාවලියේ 108 පිටුව)

මෙම උතුම් මධ්‍ය මණ්ඩලය ගැන මදක් විමසමු. මහාද්වීපයකට බද්ධව පවතින අර්ධද්වීපයක් වූ ඉන්දියාව තුළ මධ්‍ය මණ්ඩලයක් ගැන සිතීම අසීරුය. (හිමාලය පාමුල නේපාලයේ පිහිටි ප‍්‍රදේශය)නේපාලය, වගුරට, කළිගු රට ආදී ඉන්දියානු නගර මධ්‍ය මණ්ඩලයක නොව බුදුවරු නොඋපදනා පරසමය දේශයකට අයත් වන බව පූජාවලිය, ත‍්‍රිපිටකය, ඇතුලූ බෞද්ධ ඉතිහාස පොත්වල සඳහන් නිසා (108 පූජාවලිය කිරිඇල්ලේ ඤාණවිමල නා හිමි) ඉන්දියානු දඹදිවක් හා මධ්‍ය මණ්ඩලයක් පිළිබඳ තොරතුරු ඉතිහාස මූලාශ‍්‍ර හා සැසඳෙන්නේ නැත. එපමණක් නොව පූජාවලියේ දැක්වෙන මධ්‍ය මණ්ඩල විස්තර වලට අදාලව වඩා සවිස්තර ලෙස තොරතුරු සොයා බැලීමෙන් පෙනී යන්නේ මධ්‍ය මණ්ඩලය යනු වෘත්තයක කේන්ද්‍රය, රටක මධ්‍යය, ලෝකයේ මධ්‍යය, සෞරග‍්‍රහ මණ්ඩලයේ පෘථිවියේ පිහිටි මධ්‍යය ආදී වශයෙන් මැදිහත් බව පුලුල් කෝණයකින් දැකිය යුතු බවය. පූජාවලියේ සඳහන් ඉහත දක්වා ඇති තොරතුරු වලට අදාලව මධ්‍ය මණ්ඩලයක් පිළිබඳ මෙම කරුණු සැලකිල්ලට ගත් විට මධ්‍ය මණ්ඩලයක උතම් බව, ප‍්‍රමුඛත්වය, වටිනාකම වැදගත්කම පිළිබඳව ඉදිරිපත් කර ඇති තොරතුරු ඉහත දැක්වූ පරිදි ඇමරිකාවේ නාසා ආයතනය උඩුගුවනට විදින ලද කෘතිම චනද්‍රිකාවක් මගින් පෘථිවියට එල්ල වන ආකර්ෂණ ශක්ති බලපෑම පිළිබඳ  පරීක්‍ෂණයක් තුළින් ශ‍්‍රී ලංකාවේ පිහිටීම හා මධ්‍ය මණ්ඩලයක සුවිශේෂ සුපිරිතාවය විද්‍යාත්මක සාධක මගින්  සනාථ කර ඇත. (පූජාවලියේ 108 පිටුවේ මධ්‍ය මණ්ඩල විස්තරය හා ඵසිිසදබ ඨර්ජැ 2002 වෙබ් අඩවියේ විස්තර සසඳන්න)

ඉහත දැක්වූ පරිදි වෙනත් ග‍්‍රහලෝක වලින් එල්ල වන ආකර්ෂණය හා සූර්යයාගේ කිරණ විශ්ව ශක්තිය වශයෙන් හැඳින්වෙන අතර මෙම හෙළ බිමට පමණක් විශේෂ වූ එම ශක්තිය සඳ පායන පොහෝ දිනකදී වඩා තීව‍්‍රර වන අතර මධ්‍ය මණ්ඩලයක සුපිරි සුවිශේෂතාවය ද එය විය හැක. ඉහත වෙබ් අඩවිය අනුව පොදුවේ ශ‍්‍රී ලංකා භූමියට අයත් මුළු භූමිය තුළ මධ්‍ය මණ්ඩලයක ගුණාංග පැවතිය ද ශ‍්‍රී ලංකා සිතියමක මැදවච්චියේ සිට බුදුගල දක්වා අඳින ලද සෘජු රේඛාවක් අවට ප‍්‍රදේශය හෙළ භූමියේ මධ්‍යය නිසා එහි එම ගුණාංග වල තීව‍්‍රරතාවයක් ඇතිවිය හැකිය. බුද්ධ භාෂිතය අනුව අඩුම වශයෙන් පළමුවෙන්ම ත‍්‍රිලක්‍ෂණය චතුරාර්ය සත්‍යය, පටිච්ච සමුප්පාදයේ තිපරිවට්ටය, අරිය අටමග යම් තරමකට අවබෝධ කරගෙන ඉහත දැක්වූ මධ්‍ය රේඛා අවට ඇති පූජනීය ස්ථාන වල භාවනානුයෝගීව සිටීමෙන් (අඩුම වශයෙන් පැය කීපයක්) ගත කිරීමෙන් ලබන අමරණීය සුවය අත්දැකීමකින්ම ලබාගත යුතු බව පමණක් මෙහි සඳහන් කරමි.

හෙළ ඉතිහාසය පමණක් නොව බුද්ධ භාෂිතය ද පද පරම සම්මතයක පිහිටා අඳුරේ අත පත ගාන විශාල පිරිසක් සිටියද සුළු පිරිසක් හෝ නිවැරදි අවබෝධයෙන් කටයුතු කරන බව අප අත්දැකීමෙන් දනිමු. සිව්හෙළය හා හෙළ යන වචන ලක්දිව වැසියන් හඳුන්වන්නේ ඈත අතීතයේ සිටය. මෙම වචනයේ අර්ථය විවිධ ආකාරයෙන් දැක්වීමෙන් පැහැදිලි වන්නේ අප ඉතිහාසයෙන් බොහෝ දුරට දුරස් වී ඇති බවය. මෙයට හේතුව වී ඇත්තේ හෙළ අටුවා ටීකා විනාශ කිරීම බව පෙනේ. බොහෝ දෙනෙකුගේ මතය වන්නේ  “හෙළය” යනු පල්ලම හෝ ප‍්‍රපාතයයි. තවත් මතයක් වන්නේ සමනල කන්ද මහා ගංගා හතරින් හෙළ හතරක් සෑදුන නිසා සිව්හෙළය වූ බවයිග පසුව යක්, රක්, නා, දෙව් ද ඊටත් පසුව යක්, නා, දෙව්,  කුමභාණ්ඩ හෝ ගාන්ධර්ව ආදී ජාති වශයෙන් විග‍්‍රහ කෙරිණ. වර්තමානයේ මේ එක් ජාතියක්වත් නැත. දැන් අප අතර සිටින්නේ සිංහල, දෙමළ, මුස්ලිම්, බර්ගර් මැලේ, හෙට්ටි ආදී වශයෙනි. වර්තමානයේ බොහෝ දෙනෙක් හෙළ යන වචනයෙන් පෙනී සිටීමෙන් ද එය ඉස්මතු කිරීමට උත්සාහ දරණවාද විය හැක. එසේ වුවද හෙළ අටුවා ටීකා ටිප්පනි විනාශ කිරීමෙන් පසුව අපිට අහිමි වූ තොරතුරු සොයා නන්නත්තාර වී ඇති බව පෙනේ. මෙවන් මොහොතක  “සිතුනෙත” සඟරාව බිහිවූයේ ඔබේ නෙතට සැඟවුනු සියලූ සිතුවම් යොමු කිරීමට ය.

හෙළ ඉතිහාසය පිළිබඳ අභියෝගාත්මක ගවේෂණවල නිරත වෙමින් පොත්පත් රාශියක් ලියා ඇති මූකලංගමුවේ පඤ්ඤානන්ද හිමිපාණන් සහ ඞී. කේ.  රාජපක්‍ෂ වියතාණන් මෑතක දී ලියා ඇති  “පුලසත ධර්ම ගබඩාවේ අත්පොත” හා  “හෙළ ශබ්ද සංඥා” යන පොත්වල දැක්වෙන ආකාරයට පුලස්ති සෘසිවරයා බුද්ධ භාෂිතය අනුව මෙම හෙළ බස නිර්මාණය කර ඇති බවය. එහි දැක්වෙන ආකාරයට සිව්හෙළය යන වචනයේ නිරුක්තිය දක්වා ඇත්තේ මෙසේය.

හ ූ එ ූ ළ ූ අ ු හෙළ

හය ආකාරයේ හෙලිකරගෙන එය විනිවිද දැකගත් අය හෙළයන් වියග ළ යන්නෙන් අර්ථවත් වන්නේ නිරුවත නොහොත් ඇතුළත විනිවිද දැකගත් බවයිග (ළ යන්නේ ඉහ දෙකක් හා වක‍්‍රයක් තුළ තවත් වක‍්‍රයක් ඇති බව දකින්න) හෙළ අක්‍ෂර දෙස බලන විට පෙනී යන්නේ මෙම රවුම් අකුරු වලට සමාන අක්‍ෂර විශේෂයක් ලෝකයේ කුමන හෝ භාෂාවක දැකගන්නට නැති බවයි. මෙම අක්‍ෂර වල නිර්මාණ රටාව දෙස බැලීමෙන් පෙනී යන්නේ ඉස්පිලි, පාපිලි, ඇදය, රේපය, යන්සය, හල් කිරීම,  ගයනුකිත්ත, කොමබුව, ඉහ, වක‍්‍ර හා බින්දු යන උපාංග සම්බන්ධ වීමෙන් අර්ථ දක්වන ආකාරය අපූර්ව නිර්මාණයකි. හෙළ අක්‍ෂර වලින් දක්වන අර්ථද ඉතා සරළය. පැහැදිලිය.

උදා : තැන් වලට හාවීම තණ්හාය  කම් ඉටුවනුයේ කොමිටි වලිනි. ඉංග‍්‍රිසි බසින් කොමිටි යන්න හෙළ බසින් බිඳී ආවක් විය හැකිය. බු ූ උද්ද යනු බවය උදුරා දැමීම යන අර්ථයයි.

ලෝකයේ හැම කෙනෙක්ම බුදුන් වහන්සේ හඳුන්වන්නේ බුද්ධ හෝ ඛද්ා ඊමාාය් යනුවෙනි.  බුදුන් වහන්සේ ඉන්දියානුවෙක් නම් බුදු වූයේත් ඉන්දියාවේම නම් බුද්ධ යන හෙළ වචනයෙන් උන් වහන්සේ හැඳින්වූයේ ඇයි?. උන්වහන්සේ ඉන්දියාවේ ඉපදී ලංකාවේ බුදු වූයේද යන්න විමසීම ඔබට බාරය. ඔබගේ යෝනිසෝ මනසිකාරයට යොමුකොට ගළපා තෝරා බේරා ගත යුතුය.

සං යනු සයාකාර අං නොහොත් උල් වල පටලැවුනු ඇමුණුනු එකතු වුනු දේය. සං, කාර කොහොත් කිරීම සංකාර වේ. සං එකතුකිරීම ද ක්‍ය යනු අඩුකිරීම හෝ නැති කිරීම ද වේ. සංඛ්‍යා යනු එකතු කරන අඩුකරන උපකරණ වේ. (ඉලක්කම් වේ)

ඉහත දැක්වු තොරතුරු වලින් පැහැදිලි වන්නේ බුද්ධ භාෂිතය පදනම් කරගෙන හෙළ බස නිර්මාණය වී ඇති බවය. මහාවංශයට හා දීපවංශයට පදනම් වී ඇත්තේ සීහළට්ටකතා හා උත්තර සීහළට්ටකතා බව මහාවංශයේම සඳහන් වේ. සීහ යනු බුදුන් වහන්සේ හඳුන්වන නමකි. එඩිතරකම හා තේජස මෙහි අර්ථය වේ. අට්ට කතා යනු අප දන්නේ විස්තර කතා වශයෙනි. අට්ට යන්නෙහි ගැඹුරු අර්ථයක් ඇත. අවිද්‍යා පච්චයා සංකාරා, …  ආදී වශයෙන් අවස්ථා නවයක් සම්පූර්ණවීමෙන් බව නොහොත් බිහි කිරීම සිදුවේ.  නව වැනි අවස්ථාවට ඉඩ නොදී අට හෝ ඊට පෙර අවස්ථාවන්ට ද ඉඩ නොදී වලක්වා ගතහොත් භවය බිහි නොවේ. අට සම්බන්ධ අවස්ථාවන් හා ඊට අදාළවද වෙනත් ධර්ම කරුණු ද අට සම්බන්ධ සිදුවීම් රාශියක් ද කතා රාශියක් ද ඇති නිසා ඒවා අටේ කතා නොහොත් අට්ට කතා යනුවෙන් හැඳින්වේ. අට්ට කතා විස්තර කතා යනු සාමාන්‍ය හැඳින්වීමකි. ඉහත දැක්වූ අට්ට කතා පදනම් කරගෙන හය ආකාරය  හෙලි කරගෙන එය විනිවිද දැක්ම සහිතව මහණ, මෙහෙණ ,උපාසක, උපාසිකා යන සිව්වනක් පිරිස සිටි  මේ දිවයින සිව්හෙළය විය. බුදුන් වහන්සේ ලක්දිවෙන් ඉන්දියාවට හෝ ඉන්දියාවෙන් ලංකාවට වැඩිය බවක් මහාවංශය හෝ දීපවංශය හෝ කිසිඳු ලේඛණයක සඳහන් නොවේ. ඒවායේ සඳහන් වන්නේ ජම්බු දීපයේ සිට(දඹදිව)  ලංකාපුරට වැඩිය බවයි. “ජම්බුදීපා ඉදගාතා ලංකාපුර “ යනුවෙනි.  ලංකාපුර යනුවෙන් අතීතයේදී හෙළය හඳුන්වා නැති අතර ලංකාපුර යනු දැන් අනුරාධපුර හැඳින්වූ පැරණි නමය. අවසාන වශයෙන් බුදුන් වහන්සේගේ චරිතය හා බුද්ධ භාෂිතය මේ හෙළබිමට කෙතරම් සමීපද යන්න හැඳිනගෙන අවබෝධ කරගෙන ඉතා ගැඹුරින් සිතා බැලිය යුතු කාලය දැන් එළඹ ඇත. අතීත සිව්හෙළය වර්තමානයේ දීත් අනාගතයේ දීත් සිව්හෙළයම වේවා.

විශ‍්‍රාමලත් කතිකාචාර්ය

පී. ඒ. ඞී. වික‍්‍රමරත්න .